雲彩見證

生活見證

2021-10-18
生活見證:《考車見證》 修改內容 :: 修改圖片 :: 舉報 :: 其它版本 :: 最新版本




林子暘 Z-6C
寫於2021年7月10日



為保留原作者神髓,以下見證內文,
編輯部未有作出文句修飾。



開始之前首先感謝神先🥳🥳🥳🥳🥳

因為我考試撞正疫情期,先後改咗2次考期,學車亦都斷斷續續咁學,變相好多學熟咗嘅嘢都因中間停咗無學而生疏咗好多。

但亦感謝神,疫情反而祝福咗我,令我可以跟到一個嚴格嘅導師(學車阿sir)同一個經驗老到嘅導師(補鐘阿sir)

學車阿sir令我喺基本工上做好,而補鐘阿sir就令我可以模擬好多突發情況,正如麻麻牧師設立嘅AOE訓練班都教到要做好根基同要不斷模擬出各種打法同其結果,等到突發情況出現時就唔會慌亂喇,亦都可以做出最優質嘅決定。🤓🤓

相信一切都是神按排,昨天補鐘時,導師話:「今日就唔特定點行喇,你跟住前面考試車喇」我諗導師言下之意係想我睇下人哋考試係點,同埋想我成為別人嘅後盾,擋住其他有機會影響到考試嘅車,導師話:「你今日幫人擋住,聽日你考試就人哋幫你擋住」,如是者我就分別跟咗4架考試車行晒元朗4條線😂

之後打算轉彎返學院時,導師突然話:「直去,我哋行多轉元朗邨」,補充返,其實本身夠鐘落堂,但導師好慷慨私人比我走多轉🥺🥺

雖然人人都話元朗邨最易,但昨天4點左右時間突然塞車,原本我應該行慢線,但因為突發情況,所以就全程行快線(嚟個同今日考試有好大幫助,先賣個關子),感謝神比我做咗一次好有意義嘅模擬🥳🥳

直到今日考試,神從一開始就派咗架學車做我後盾,全程跟住我尾,到就快到朗屏站天橋底時,考牌官突然喺無突發情況下叫我轉行右線(平時學車只會行左線),考牌官問我:「我哋行快線,之後都一路行最右快線,你識唔識點做?唔識或者做錯我再話你知點做」

當下我突然之間想起: 嚟個情況咪同琴日一樣!仲有佢嘅語氣完全令我覺得好似平時學車阿sir咁,之後仲不停叫我快啲快啲,我當堂放鬆晒😂😂

結果如我所向神禱告嘅一樣合格了🥳🥳🥳
感謝神!🥳🥳🥳

同場加映鏡面倒置266,嚟個係我學車同考試架車🤩🤩🤩


推薦到:blogger facebook myshare google

字型大小:
關於我們 | 網站地圖 | RSS | 聯絡我們 | 奉獻方法
Copyright © 2009 - 2010 ZionDaily.com All Rights Reserved.