雲彩見證

生活見證

2021-11-22
生活見證:《帶人信主前先改變自己》 修改內容 :: 修改圖片 :: 舉報 :: 其它版本 :: 最新版本




Diligent 何禮輝 Z-10A
見證上傳日期:2021年9月2日

《帶人信主前先改變自己》

事關打從首次信主,就鍾意開口同人傳福音,尤其返到錫安三個月,就嚐到主賜的大大祝福,更加好用見證同人傳福音⋯⋯

就咁,我頭一年半不停同周圍人講見證,講福音的好處,不停撒種俾人,請人食飯,送禮俾人,當中帶出福音的好處,但絕不是討好人果種態度⋯⋯但帶到教會的人,雖然決志咗,但最後就如落在路邊的種子,俾鳥食咗。

我百思不得其解,點解會咁呢?咩都做曬,都冇果效,長期咁落去,越傳越冇人埋身。

於是,我開始安靜己心,學寫感言,操練自己,邊聽邊回應神,以往只聽不寫,日子過得好安舒,可能我選擇一些安舒的方法俾自己,用外在的行為,一股衝勁去傳福音而冇果效吧!

所以,在那段不討好人,只接近神話語的日子裡,自己邊聽邊改變自己,與神連繫。

就咁,神奇妙的帶領就臨到我身上,我主動報咗小童軍機構舉辦的「織頸巾」送俾老人院的活動,我目的係瞄準小朋友的媽媽們,帶佢哋信主而參加的。

對於人生習慣接受生活安舒的我來講,「織頸巾」表面好似好易咁,對於性格急的我來講,只想兩日就織好佢,呢兩日果種從未試過的腰酸苦楚,統統喺我身上出現,好想哭⋯⋯

但神總係會記念自己的付出,安排咗最冇希望信主,最後又咁易信主的人出現在我身邊,就咁,一條「頸巾」,交換咗一個寶貴的靈魂俾我去撒種⋯⋯

呢件事俾我明白到:「順服神的話語大於獻祭」,好好聽神的話語,預備好的內涵,才能成為神合用的器皿。

甚至,最令我感動的是,我帶返的肢體,她的會員號碼是我的出生年月日,感謝神,好窩心的印證!

所以,求神繼續賜我智慧與策略,引導我去傳福音,達到最佳的果效。Amen!

https://fotosc.zion.hk/2020/06/06/20350552e3ac8b1683f3cb4f125a4bd8a6e4212.jpg


推薦到:blogger facebook myshare google

字型大小:
關於我們 | 網站地圖 | RSS | 聯絡我們 | 奉獻方法
Copyright © 2009 - 2010 ZionDaily.com All Rights Reserved.